قصيدة مشتركه بين الشاعرة هايدى دياب و أحلام حسان
ص صحافه م مقال
************
هايدى * جاء بيان من الأخبار*
عن أحوال كل الثوار
الكل ندمان ع الحماس
نجاح صحيح بلا إنتصار
**************
جاء بيان من * أحلام
ان الشعب التونسي عليل
تاه .. محتاج له الف دليل
قالوا الثورة قضت ع الذل
قضوا ع الشعب وخلوا ذليل
**********************
هايدى* كتبت في البيان *
ان ف مصر كتير أحزان
يوم غلاء ويوم دماء !!!
والكل على حافة بركان
******************
ثم جاء بيان * أحلام
ان ف غزة ناس بتموت
مليون صوت خارج مكبوت
ودموع تنزف حصره وآه
والكل رافض بـ سكوت
*******************
ردت ( هايدي) كمان ببيان
ان سوريا مش هتروق
يـوم عن يـوم أحوال بتسوق
مافيش معامله بإنسانيه
مافيش مواطن له حقوق
*********************
ثم جاء بيان * أحلام
ان ف بغداد استبداد
ظلم وفتنه كتير وفساد
صمت رهيب معجون بعناد
والمسؤال اصبح مخبول
بدل العدل اصبح جلاد
*********************
وهايدى جائت في الختام
جاء منشط في العناوين
ان الوطن العربي حزين
وتم القبض على شعرائنا
لأنهم مش صحفيين
قصيدة مشتركه بين الشاعرة هايدى دياب و أحلام حسان / العمل الثاني
بقلم / شاعرات مصر
قصيدة مشتركه بين هايدى دياب وأحلام حسان
كسر إيدك
=======
(♥H♥) تتحرش تخدش في حيائي
تتلذذ لمسك اجزائي
بتحلل جسمي علي نفسك
وتحطم فيا كبريائي
(♥A♥) بتعاكس وأنا رايحه وجايه
بالكلمه .. والحركه شويه
وبنظرة ديب فيك تتغزل
بغريزه بطلقها عليا
(♥H♥) شيل ايدك عني لأكسرها
شنباتك روح بقى قصرها
قال راجل .. طب فين النخوه !
وشهمتك كان ايه اللي جرالها ؟!
(♥A♥) معذور ! يابجحتك بتقولها
بتهدد .. روح العب غيــرها
بتبرر بسفاله افعالك
وتقول أنا بجبر بـ خاطرها !!!
(♥H♥) طب يلا ياعنتر وريني
وأنا هكسر إيدك وبديني
لو كنت غدنفر قد الباب
أنا ربي عليك هيقويني
(♥A♥) مولد وانفض .. يانـور عيني
مبقاش الخوف هيبكيني
أنا حرة ومقامي عالي
وبشرفي وبطبعي الحامي
مهتقدر تاني تاذيني
الدويتو الاول بين شاعرات مصر
" مصر كبيره للكبير " قصيده مشتركه لـ هايدى دياب وتامر الشافعي
مصر كبيره للكبير
==========
هايدى
الحكاية م البداية فيلم مش بعيد علينا
شعب قال خلاص زهقت حسوا مرة واحدة بينا
شربنا حزن اكلنا هم كل حاجة ماتت فينا
مزاد كبير راح نفتحه .. فمين يحب يشترينا ؟!
تامر
مرور وزحمة ونارنا تحمى والسولار خلاص مفيش
ناس مفيش ف قلوبها رحمة ناس نظرها شيش وبيش
ناس وجوة قصورها عايشة وبالغلابة ما تعتنيش
عيشة فخمة وعيشة رخمة وعيشة تدور ما تلاقيش
تامر
هم عايشين برج عالي واحنا كفران دين أبونا
تنك فل وتنك فاضي و ع المحطات لطعونا
هم ياكلوا في الجاتوه واحنا اموات في الطابونة
دش سخن ودش ساقع حتى الشرب عطشونا
هايدى
إحنا بنعيش عصر نهضه وجوعنا هو الدليل
حكم مش عايش عشنا ده عشان الفصيل
اتمردنا فين وطنا ؟! مش هنسكت مستحيل
30 يونيو
مش هنسلم .. مصر كبيره للكبير
بقلم / الشاعرة هايدى دياب
بقلم / تامر الشافعي
مصر كبيره للكبير
==========
هايدى
الحكاية م البداية فيلم مش بعيد علينا
شعب قال خلاص زهقت حسوا مرة واحدة بينا
شربنا حزن اكلنا هم كل حاجة ماتت فينا
مزاد كبير راح نفتحه .. فمين يحب يشترينا ؟!
تامر
مرور وزحمة ونارنا تحمى والسولار خلاص مفيش
ناس مفيش ف قلوبها رحمة ناس نظرها شيش وبيش
ناس وجوة قصورها عايشة وبالغلابة ما تعتنيش
عيشة فخمة وعيشة رخمة وعيشة تدور ما تلاقيش
تامر
هم عايشين برج عالي واحنا كفران دين أبونا
تنك فل وتنك فاضي و ع المحطات لطعونا
هم ياكلوا في الجاتوه واحنا اموات في الطابونة
دش سخن ودش ساقع حتى الشرب عطشونا
هايدى
إحنا بنعيش عصر نهضه وجوعنا هو الدليل
حكم مش عايش عشنا ده عشان الفصيل
اتمردنا فين وطنا ؟! مش هنسكت مستحيل
30 يونيو
مش هنسلم .. مصر كبيره للكبير
بقلم / الشاعرة هايدى دياب
بقلم / تامر الشافعي